Oktubre 27, 2024 - Mahayag, Zamboanga del Sur
Usa ka dako nga sunog ang nahitabo sa Barangay Poblacion, lungsod sa Mahayag, ug nagresulta kini sa dako nga kadaot nga mokabat sa P300,000 ang gibanabana nga pinsala. Base sa inisyal nga imbestigasyon sa Bureau of Fire Protection (BFP) Mahayag Municipal Fire Station, naggikan ang sunog sa Route 80 Storage sa maong barangay. Apan na-declare ang fire out sa takna nga alas 11:18 sa buntag
Sumala sa mga opisyal sa BFP-Mahayag, padayon pa ang ilang pag-imbestigar aron masuta ang tinuod nga hinungdan sa kalayo. Dali nga miresponde ang mga bombero sa lugar ug na-contain ang sunog aron mapugngan ang posibleng pagkalat niini sa ubang mga establisyemento ug panimalay nga tapad sa Route 80 Storage.
Walay naulat nga kaswalti, apan ilang gi-awhag ang publiko nga mag-amping ug magpadayon sa pagpraktis sa mga fire safety protocols aron malikayan ang susamang insidente.
